Според договорот за јавната набавка објавен на страницата на бирото за јавни набавки, Ректоратот на универзитет „Кирил и Методиј“ купува  Мерцедес од Е-класата за 68.000 евра. Во изјава за телевизијата Алфа, Ректорот на УКИМ, Велимир Стојковски, посочува дека возилото не било луксуз, туку реална потреба на институцијата. „Новото возило е иста марка и модел, Мерцедес Е-класа, како и претходното кое е старо 13 години. Тоа возило постојано има технички проблеми веќе две години и потребен е голем ремонт, кој финансиски не е исплатлив. Набавката на вакво возило беше влезено во планот за јавни набавки уште во 2011-тата, па се префрли во 2012-тата. Потреба имаше подолго време, но сега се создадоа услови“,  тврди Стојковски за „Алфа“ телевизија, кој посочува дека возилото ќе биде купено од средства кои ректоратот ги добива од разни услуги.