Високиот комесар за бегалци на ОН Антонио Гутереш разговарал денес со министерот за надворешни работи Никола Попоски, примајќи од него „уверение дека границите нема да бидат затворени“ , стои во денешното соопштение на УНХЦР.

Од оваа институција исто така ги повикаа грчките власти да обезбедат итна помош од својата страна на границата и да им помогнат да стигнат до објекти за прием на бегалци подалеку од границата со Македонија.

Во меѓувреме, бугарското министерство за одбрана соопшти дека е подготвено да ангажира свои сили на заштита на границата кон Грција и Македонија, како би бил спречен прилив на бегалци од тие правци.

„Во врска со комплицираната состојба во соседните земји и бранот на бегалци, министерството за одбрана ќе предлоќи конкретни мерки за да ги обезбеди државните граници заедно со министерството за внатрешни работи“, стои во соопштението на споменатото министерство.