Премиерот на Украина Денис Шмигал изјави дека украинските власти преговараат со САД и другите западни земји за користење на рускиот имот што Западот го замрзна. 

Шмихал за американскиот CBS објасни дека задача и цел на преговорите е да се најде решение како да се искористат замрзнатите средства на Русија за финансирање на обновата на Украина. 

Стејт департментот и Белата куќа во саботата соопштија дека Шмигал се сретнал со државниот секретар Ентони Блинкен и американскиот советник за национална безбедност Џејк Саливан во Вашингтон за да разговараат за помошта на САД за неговата земја и континуираниот притисок врз Русија. 

Западните земји воведоа остри санкции кон Русија по нападот на Украина, вклучувајќи го и замрзнувањето на девизните резерви на земјата. Гувернерката на руската централна банка, Елвира Набијулина, претходно најави дека Москва подготвува тужби за да го оспори замрзнувањето на девизните резерви на земјата.