Украинскиот пазарен регулатор го казни руски Гаспром со 3,5 милијарди долари поради злоупотреба на монополската позиција на украинскиот пазар за транзит на гас.

Ваквата одлука е донесена поради злоупотребата на монополот на Гаспром на пазарот за транзит на гас. Висината на казната е 85 милијарди украински гривни“, напиша Јуриј Терентјев на социјалната мрежа Фејсбук, јавува британски Ројтерс.

Украинскиот регулатор не изнел детали од прекршокот на Гаспром, наведе Ројтерс и оценува дека ваквата одлука на украинските власти е најново поглавје во долготрајниот гасен спор меѓу Русија и Украина.

Претходно оваа недела, Гаспром соопшти дека Киев му должи 2,549 милијарди долари за гас испорачан во третиот квартал минатата година, како и дека тие пари би требало да бидат уплатени во рок од десет дена, потсетува британската агенција.