Од оваа учебна година, секој работен ден пред почетокот на часовите во прва смена, учениците во основните училишта во општина Аеродром ќе ја слушаат националната химна. Ваква одлука е усвоена од Советот на Општина Аеродром.

Минатата година химната на Македонија во овие училишта се интонираше само во понеделник, а иницијативата за интонирање на химната секој работен ден е на градоначалникот Ивица Kоневски.

Од локалната самоуправа објаснија дека ваквата одлука е донесена бидејќи оваа практика предизвикала воодушевување кај мнозинството од родителите и децата.

Инаку, минатата учебна година секој понеделник пред почетокот на часовите, учениците се постројуваа во дворот на училиштата и свечено се инторнираше химната на Македонија.