По синоќешнoто пукање пред локалот „Ритуал“ во Нов Белград, каде маскиран напаѓач во работен костим отворил оган врз сопственикот на споменатото кафуле Лука Жижиќ (37), видливи се траги од крв, како и крвав отпечаток од чевли.

Инспекторите и денеска собираа докази на местото на злосторството, а пред шанкот што утрово го исчистија работниците во кафулето имаше многу крв, чаури и скршено стакло. Но, новинарите на Курир.рс се уверија дека пред локалот се уште има траги од крв и стапалки.

- Засега не се знае кому му припаѓаат крвавите отпечатоци, но не е исклучено тоа да се траги од џелатот, бидејќи по злосторството го претепале пријателите и братот на Жижиќ - вели соговорникот и додава дека сигурно има траги од крв на џелатот на местото на злосторството. Братот е доста повреден од тепањето.

Истрагата ќе ги утврди сите околности на ликвидацијата како и мотивот.

„Егзекуцијата на Жижиќ била детално испланирана, но напаѓачот се покажал малку несмасен и можеби ја преценил ситуацијата, бидејќи делото го извршил во полно кафуле покриено со камери. Напаѓачот веројатно не зел предвид дека некој од гостите ќе реагира и ќе се обиде да го совлада по извршеното злосторство - вели нашиот соговорник и објаснува дека убиецот имал луда среќа да им побегне на пријателите на Жижиќ.

Жижиќ почина по пукотниците, а за неговото минато се знае дека полицијата знаела кој е тој, бидејќи имал криминално досие. Она што е поврзано со името на убиениот е приказната дека тој е еден од водачите на навивачите на Црвена звезда, инаку, на подгрупата „Београдски момчиња“.

Да потсетиме, Лука Жижиќ беше убиен вчера во Нов Белград додека седел со својот брат и пријателите во кафуле кога маскиран извршител со хируршка маска, капа на главата и работен костим прашал дали може да оди во тоалет, кога тој добил потврден одговор по извесно време излегол и испукал шест куршуми во правец на Жижиќ. Кога пукал во него, тој се обидел да избега, но браќата и пријателите го совладале и почнале да го тепаат, а братот на Жижиќ дури и земал нож за да го заколе убиецот. Меѓутоа, пријателите го спречиле во тоа, а убиецот ја искористил приликата и побегнал во непознат правец. Убиството е снимено, како и извршителот, бидејќи при тепачката еден од пријателите на убиениот му ја симнал хируршката маска. Полицијата се уште трага по напаѓачот.

Извор и фото: Курир.рс