Убиецот на полицаец од Куманово ќе добие психијатриска помош по барање на јавното обвинителство бидејќи е утврдено дека е непресметлив. „Основното јавно обвинителство – Куманово го доби вештачењето за состојбата во која се наоѓал и се наоѓа осомничениот за убиството на полицискиот службеник, што по наредба на надлежен јавен обвинител ги подготви ЈЗУ Психијатриска болница – Скопје. Согледувајќи ги наодите и мислењето кои укажуваат на непресметливост на лицето, јавниот обвинител до Основниот суд – Куманово достави предлог за определување мерка – задолжително психијатриско лекување и чување во здравствена установа“, соопштуваат од ОЈО Куманово. Обвинетиот Енвер Бајрамовски со нож прободе полицаец кој со уште тројца колеги интервенирал по повик за домашно насилство.