Во престрелката што се случи денеска околу 16 часот во населбата Медовина во Цетиње, во близина на зградата на Владата, загинаа 11 луѓе, а шест се повредени.

Според информациите до кои дојде Курир, трагедијата се случила поради нерасчистени долгови.

Вучко Бориловиќ (34), како што пишува српскиот медиум си го убил целото семејство, а потоа излегол на улица и пукал во минувачите.

„Сè уште сме во шок, не ми се верува што направи. Слушнав дека долг е причина за овој грозоморен масакр. Не бил во добри односи со соседите, ги убил, но зошто и неговата невина сопруга и децата“, изјави за Курир видно потресен роднина на убиецот.

Бориловиќ е роден на 21 ноември 1988 година во Цетиње, каде што завршил основно училиште. Посетувал средно училиште за бродска механика во Белград.