Шефот на полициската управа во Нови Сад, Слободан Малешиќ, синоќа околу два часот е уапсен поради злоупотреба на службената положба, а тој е полициски генерал кој се огласи за време на јулските протести во 2020 година, кога полицијата употреби прекумерна сила за да ги потисне демонстрациите.

Тогаш дел од граѓаните го обвинија за полициска бруталност.

„Овој несреќник Слободан Малешиќ, помошник-директор на полицијата, е задолжен за командување со специјални полициски формации (Жандармерија, САЈ...)“, тврди адвокатот Никола Лакиќ.

Генерал Малешиќ, помошник-директор на полицијата, е на чело на Новосадската полиција од септември 2020 година, а по смената на Милорад Шушњиќ, поранешниот началник на новосадската полиција, кому му се суди за злоупотреба на службената положба. На Шушњиќ му се суди во постапката со поранешната државна секретарка во МВР, Дијана Хркаловиќ.

Инаку, Малешиќ на местото началник на новосадската полиција дојде од местото заменик директор на полицијата Владимир Ребиќ, каде што беше задолжен за раководење со специјални единици.

Додека опозициските политичари, како лидерот на Двери, Бошко Обрадовиќ, го нарекуваа кум на контроверзниот бизнисмен Звонко Веселиновиќ од Косово, набргу откако беше назначен за шеф на полициската управа во Нови Сад, луѓе блиски до власта тврдеа дека тој е човек кој ќе смири состојбата во тој град.

Инаку, Малешиќ е роден на 29 јули 1976 година во Пријепоље, а во српското МВР работи од 1995 година. Осум години помина во Управата на сообраќајната полиција, каде што дојде на функцијата заменик началник на Управа за сообраќајна полиција. Кога Владимир Ребиќ беше назначен за директор на полицијата во 2014 година, Малешиќ беше назначен за шеф на Управата на сообраќајната полиција, а потоа во март 2016 година беше назначен за шеф на полициската управа во Крагуевац, каде што остана до средината на септември.

Потоа беше назначен за помошник на Ребиќ. Во јуни 2019 година, Малешиќ беше унапреден во чин полициски генерал.

Тој синоќа е приведен од Секторот за внатрешна контрола (СУК), по наредба на Обвинителството за организиран криминал.

Фото: МУП на Србија