Противниците на мерките за поттик на ЕЦБ во Германија покренаа правна постапка како германската централна банка би била исклучена од програмот за откуп на корпоративни обврзници.

Жалбите пред Федералниот уставен суд имаат за цел Бундесбанката да не учствува во програмот за откуп на обврзници од корпорацијата на свежи печатени пари како би се намалиле трошоците за позајмување.

Откупот на корпоративни обврзници, кој уште не почнал е дел од широките мерки на ЕЦБ за подигање на инфлацијата и економскиот раст во рамки на кои од март 2015 година се купуваат државни обврзници.

Тужбата ја поднесоа германски професори и пратеници кои сметаат дека програмата мерки на ЕЦБ е претерана и дека им помага на земјите со неконкурентни економии или слаби владини финансии.

Професорот по права и финансии на Берлинскиот технички универзитет Маркус Кербер рекол дека поднел тужба со коелгите и шефови на низа компании. Тој вели дека програмот на ЕЦБ за откуп на корпоративни обврзници ќе ја поремети конкурентноста бидејќи тој програм ќе ги намали трошоците за позајмување за компаниите чии обврзници веќе се купени.

Кербер рекол дека проблемот е и што во случај да тие компании не можат да ги плаќаат долговите, трошокот би паднал на грбот на германските даночи обрвзници без одобрение на парламентот.

ЕЦБ се потпира на централните банки членки на еврозоната со пазрни операции, така што забраната на Бундесбанката да учествува би била голема пречка во спроведувањето на програмата.