Милиони Турци денес ќе гласаат на изборните места на парламентарните избори кои би можеле да ги побијат сите рекордни излезности.

Гласачко право имаат околу 57 милиони турски државјани, а пресуден фактор на овие неизвесни избори би можела да биде турската дијаспора со повеќе од милион регистрирани избирачи.

Ова е второ гласање во рок од помалку од пет месеци, бидејќи после јунските избори ниедна партија, вклучувајќи ја донеодамнешната неприкосновена Партија на правдата и развој на претседателот Реџеп Таип Ердоган, не успеа да формира влада.

Душан Спасојевиќ , поранешен амбасадор на Србија во Анкара, ги оценил за Танјуг овие избори како пресврт за иднината на таа земја.

-Ердоган одлучил да во кампањата влезе на воена реторика, да отвори фронт и во самата земја против Курдите, кој во јуни прв пат од 1923 година успеаја да го прескокнат цензусот од десет отсто-навел тој.