Анкара им нареди на училиштата и библиотеките во земјата да уништат весници и книги, соопшти Њусвик, повикувајќи се на турски медиуми. Наредбата предизвика споредби со озлогласениот потфат за горење книги од хитлеристите. Министерството за образование побарало од училишта и библиотеки да уништат каталог со материјали поврзани со исламскиот проповедник Фетуллах Гулен, кој е обвинет од владата за организирање на пропаднатиот пуч. Во писмото до образовните институции со датум 9 август објавено од турскиот вести сајт Duvar, се наметнува забрана на материјали од 29 издавачки куќи, 15 списанија и 45 дневни весници. Училиштата и библиотеките треба да ги конфискуваат и уништат сите копии.