Еврокомисијата продолжува со работата на отворањето до крајот на јуни на ново поглавје за влезот на Турција во ЕУ, изјави портпаролката на ЕК Маја Коцијанчиќ.

„Што се однесува до глава 33, која се однесува на финансиски и буџетски норми, работата продолжува“, изјави Коцијанчиќ.

Според неа целта е главата да се отвори пред крајот на холандското претседателство на Советот до крајот на јуни.

„Работата напредува“, изјавила портпаролката. Таа објасни дека позицијата на Европската комисија не влијае на одлуката на земјите-членки на ЕУ, кои ќе треба да го одобрат отворањето на ново поглавје. „Подготовките за ново поглавје се само технички“, прецизира Коцијанчиќ.

Во март ЕУ и Турција прифатија заеднички акционен план за борба со миграцијата. Условите вклучуваат забрзување на преговарачкиот процес за пристапување на Турција во ЕУ и отворањето на ново поглавје до јуни.