Еден милион евра чини турската инвестиција за изградба на новиот Центар за плодност Newborn clinic во Скопје. Опремен со најсовремена опрема, во него работат искусни лекари од Турција, Албанија и Македонија од областа на гинекологијата, урологијата, анестезиологијата и генетиката. Во клиниката велат дека гарантираат за своите реултати и дека наплаќаат само откако резултатите веќе се видливи. „Во нашата работа ние создаваме живот и знаеме колку драгоцен и кревок може да биде посебно во одредена фаза од процесот. Токму порди тоа нашата политика е да понудиме резултати, а со тоа и да предизвикаме нечија среќа. Методите што ги користиме, експертиза со која што располагаме и тимот на едуцирани и реномирани специјалисти ни овозможува загарантирани резултати во нашата работа“, вели шефот на Одделот за ембриологија, д-р Бирол Ајдин. Оваа клиника се разликува од другите и по новите третмани што ги нуди - ЕРА методот, ПГС методот – предимплатантното генетичко скенирање, ендометријално гребење, ко-култура и ИУТП фертилизација за првпат се имплементираат во Македонија. Покрај ИВФ (ин витро фертилизација) методот и ИУИ (интраутерина инсеминација) во оваа клиника подеднакво се третира и неплодност кај мажите, исто така.