Се зголемува бројот на странски туристи кои доѓаат во Македонија. Паралелно со тоа расте и бројот на ноќевањата остварени во земјава од странци.  Според податоците на Државниот завод за статистика, бројот на странски туристи кои минатата година дошле во Македонија изнесува 399 680, а додека ноќевањата на туристите изнесуваат  881 375.

Во 1991 година, кога Македонија стана самостојна држава, бројот на странски туристи изнесувал 294 323, но потоа почнува да паѓа се до 1998 година. Потоа се забележува нагорен тренд, и практично бројот на туристи расте во 1999 и 2000 година, но потоа во 2001 година, поради воениот конфликт има драстичен пад. Опоравувањето започнува во следните години, но со поблаг интензитет, а бројот на странски туристи што Македонија го има во 1991 година се, земјава успева да го повтори дури во периодот меѓу 2010 и 2011 година, од кога го надминува и продолжува да се зголемува.

       Година            Доаѓања               Ноќевања 

Според официјалната статистика, минатата година, странските туристи најмногу доаѓале во август, потоа во јули, септември и во јуни.

Странски туристи во 2013 година

• Јануари                             16 373
• Февруари                          15 390
• Март                                    22 776
• Април                                 27 784
• Мај                                       44 851
• Јуни                                    46 303
• Јули                                    47 290
• Август                                49 123
• Септември                        46 841
• Октомври                         41 783
• Ноември                           20 876
• Декември                         20 290

Странските туристи спијат во хотели со 4 звездички

Според податоците, странските туристи најмногу доаѓале во Скопје. Односно, лани во Скопје дошле 149 027 странски туристи, додека во 2012 имало 134 217, во 2011 година главниот град го посетиле 125 407 странски туристи, а во 2010 година имало 110 365 странски туристи, а во 2009 година во Скопје дошле 107 962 странски туристи.

Мал број од нив, или 4 025 ги посетиле бањските места, нешто повеќе или 16 130 биле во планиските места, а додека поголемиот дел ги посетиле останатите туристички места во земјава, каде пак се остварени најмногу ноќевања.

                                      2009 год. 2010 год.  2011 год.  2012 год.  2013 год.

Странските туристи кои дошле во земјава најмногу спиеле во хотели или од 399 680 странски туристи, дури 361 724 спиеле во хотели, 7 290 спиеле во мотели, 2 599 во преноќишта, 3 683 во бањски лекувалишта, 4 793 во кампови, 2 587 во соби а издавање, во коли за спиење 1 748 а во некатогоризирани објекти сипеле  6 581  странски туристи.

Сепак, податоците покажуваат дека странците најмногу ги сакаат хотелите со 4 звездички. Односно од вкупно 361 724 странски туристи кои спиеле во хотели во земјава, дури  133 630 спиеле во хотели со четири звездички. Втори на листата се хотели со пет звездички каде спиеле 88 796 странски туристи. Во хотели со три звезди спиеле 86 459 странски туристи. Во хотели со две звезди спиеле 38 701 ,а во хотели со една звезда спиеле 13 688 странски туристи.

Турците, Грци и Срби најчести гости

Туристите од Турција лани биле најбројни. Односно лани во Македонија од Турција дошле 68.124 туристи, а споредено со пред четири години бројот на туристи од Турција е поголем за четири пати. Односно во 2009 година во Македонија од Турција дошле 16 962 туристи.

Следни на листата туристи кои во најголем број ја посетуваат Македонија се грчките туристи. Па така, лани во земјава имало 46 184 туристи од Грција. И бројот на грчки туристи во однос од пред четири години е зголемен за два пати. Односно во 2009 година во Македонија имало 22.253 грчки туристи.

Трети на листата туристи кои во најголем број ја посетуваат Македонија се српските туристи. Па така, лани од во земјава имало 38 127 туристи од Србија, што е благ пад во однос на 2009 година кога имало 38 744 туристи од Србија. Сепак, падатоците покажуваат дека намалувањето на бројот на туристи од Србија се случува во 2010 година кога имало 35 840 туристи и во 2011 година кога имало 35 692 туристи. Веќе во 2012 година има благ раст и изнесува 36 530 туристи од Србија , а лани бројот на туристи од оваа земја се приближува на бројот што е достигнат од пред четири години.

Холанѓаните се исто така едни од најбројните туристи во земјава. Лани дошле 25 542 туристи оттаму. Во споредба со пред четири години бројката на туристи од Холандија во Македонија е зголемена за пет пати. Односно во 2009 година во Македонија имали само 4 988 туристи од Холандија.

Иако се на листата најбројни гости, сепак бројот на туристи од Бугарија во Македонија е намален во споредба со пред четири години. Па така, лани Македонија ја посетиле 20 914 туристи од Бугарија, а пред четири години дошле 23 619 бугарски туристи. Намалување на бројот на бугарски туристи е заблежано во 2010 година кога дошле 15.513 , но сепак во последните три години има раст на овааа бројка, иако се уште е далеку од бројот достигнат во 2009 година.

Слична како со бугарските туристи е и состојбата со туристите од Албанија. Лани од оваа земја во Македонија дошле 16 982 туристи, а во 2009 година имало 19.757 туристи од Албанија во Македонија. Бројот на албански туристи од 2010 година постојано се намалува, се до лани кога е забележан раст, но се уште не е вратено на нивото од пред четири години.

                                          2009 год.  2010 год.  2011 год.  2012 год.   2013 год.

 Н.С.