Нов раст на бројот на туристи регистрираше Државниот завод за статистика за минатата година. Според најновите податоци кои ги објавија, вкупниот број на туристите во земјата лани бил поголем за 6 отсто споредено со 2024 година. 

Притоа кај странските туристи кои ја посетиле Македонија има зголемување од 10,3 проценти. 

Но, кај домашните гости е забележано намалување од 2,2 проценти, покажуваат податоците на ДЗС.

- Бројот на ноќевањата, пак, бележи раст од 0,8 отсто. Кај домашните туристи има намалување за 4,1 процент, а кај странските раст од 6,4 отсто.

Во декември 2025 година, од вкупниот број туристи, 36,7 отсто биле домашни, а 63,3 проценти се странски туристи. 

Бројот на ноќевањата во декември 2025 година изнесува 112.001, од кои 42,4 отсто се од домашните туристи, а 57,6 проценти од странските - се појаснува во соопштението. 

Најбројни повторно се посетителите од Турција, кој последниве години „навалија“ во Македонија. Покрај нив, меѓу најбројните се нашите соседи. 

Фото: Вангел Тануровски