Во првите десет месеци од годината Турција ја посетиле околу 32 милиони туристи или за 10 отсто повеќе од лани,  споредено со истиот период.Како што соопшти турскиот министер за култура и туризам Јомер Челик, најголем е бројот туристи дошле од Германија, Русија и Британија. Притоа само во октомври годинава бројот на странски туристи изнесувал 3.4 милиони или 11,5 отсто повеќе во споредба со октомври 2012, покажаа официјалните статистички податоци. Властите веруваат дека и во текот на ноември и декември продолжува активниот туристички прилив. Само на аеродромот во Анталија, од јануари до крајот на октомври 2013 пристигнале рекордни 11 милиони странски туристи, а ова беше повод таму вчера да се оддржи церемонија по повод пристигнувањето на 11-милионитиот турист. Ќеста ја имаше германска брачна двојка.