Турската централна банка ја подигна прогнозата за инфлацијата за оваа година од 5,3 на 6,2 проценти, бидејќи се обидува да ја одбрани домашната валута лира и да го зачува растот, пренесоа агенциите.

„Ја ревидиравме на нагоре проценката за инфлација за 2013 година за 0,9 поени, земјаќи ги предвид  девизниот курс и сената на нафтата“ изјави гувeрнерот на националната банка на Турција, Ердем Башчи.

Турската централна банка проценува дека инфлацијата во јули го достигна врвот од 9 отсто, па сега ќе почне постепено да се намалува.

Башчи проценува дека ваквата состојба произлегува од слабостите на глобалната економија и скромната домашна побарувачка кои ќе имаат „ограничувачко влијание“ на инфлацијата и во 2014 година.