Порасна инфлацијата во Турција. 

Таа се зголемува шести последователен месец до највисокото ниво од повеќе од 15 години,  до малку над 24%, управуван од сеопфатниот раст на цените во позадина на падот на лирата, соопштува Bloomberg.

Централната банка ги зголеми трошоците за кредити во минатиот месец до највисокото ниво од речиси две децении, но цените се зголемуваат со темпо, невидено од средината на 2003-та година. 

Но,  иако лирата загуби до 40% од вредноста во однос на доларот од почетокот на годината, најлошото може да претстои, пишува „Bloomberg“.

Храната, која сочинува околу една четвртина од потрошувачката кошница, има поскапување на годишна основа од 27,7% во септември во однос на 19,8%, еден месец порано. Кај енергијата растот на цените достигна 27,03% за разлика од 21,3% во август.

Производствените цени исто бележат раст – од зголемување од 32,13% во август на годишна основа до 46,15% во септември.

Централната банка нема многу опции за акции против понатамошни зголемувања на цените. 

Основната инфлација, која ги исклучува нестабилните цени на храната, енергијата и златото, се забрзува до 24,5%. За споредба, во август основната инфлација беше 17,2%, а според просечната оценка на „Bloomberg“ за минатиот месец се очекуваше зголемување од 19,3%.

Цените на облеката оствари раст од 13,6% до 17,16%, а трошоците за домување – од зголемувањето со 16,3% на раст од 21,84%. На месечна основа индексот на потрошувачките цени во Турција забележуваат раст со 6,3%, а цените на производителот со 10,88%.

На почетокот на седмицата од другите податоци стана јасно дека турската производствена активност достигна до најниските нивоа од пред девет години во септември – вредностите во кои економисти открија еден од јасните сигнали во моментот дека земјата се насочува кон длабока рецесија по месеци на валутна криза.