Аналитичарите на „Оксфорд економикс“ предвидуваат дека Блискиот Исток би можел да има помеѓу 11 и 27 проценти помалку туристи во 2026 година, што би можело да предизвика верижна реакција во глобалниот туризам.

Војната во Иран веќе влијае на туристичката сезона во Турција. Масовните откажувања во источните и југоисточните региони почнаа веднаш по почетокот на конфликтот, особено од Иран и соседните земји. Популарните дестинации како Истанбул, Бодрум и Анталија засега остануваат безбедни, но резервациите се значително намалени во близина на границите, пишува „Дојче веле“, пренесува Пословни.хр.

Во 2025 година, Турција беше домаќин на околу 64 милиони туристи и оствари приход од 56 милијарди евра. Целта за оваа година беше да се надминат 65 милиони посетители, но војната и тензиите на Блискиот Исток веќе го намалија оптимизмот. Последиците вклучуваат повисоки цени на авионски билети, подолги рути и помалку гости од регионите погодени од конфликт.

foto Wikipedia/Esginmurat