Во исклучителни мерки за безбедност поминува одбележувањето на националниот празник во Турција, уапсени се 12 лица, кои планирале бомбашки напади за време на прославите, пренесуваат агенциите.

Тимовите на секторот за борба против тероризмот во турската престолнина одржаа утрово операција за потрагата по бомбаши, за плановите по кои имале претходни разузнавачки податоци. Истовремено се проверуваат 35 адреси а кај 6 од приведените биле утврдени членови на Исламската држава, останатите 6 се курдски сепаратисти од ПКК, прецизираат од новинската агенција „Доган“.

Над 10 000 вработени од силите за безбедност се ангажирани во заштитата на редот и мирот во Анкара, градот е блокиран, централниот дел е ограден со бариери во радиус од 22 километри, скенери ја проверуваат дури војската која учествува во официјалните церемонии, кружат полициски хеликоптери.

Свеченостите по повод 93-годишнината од воспоставувањето на републиката почнаа со поклонение во меморијалниот комплекс на Кемал Ататурк. „Херојски отпор и волјата од пред 93 години, кога нацијата му ја објави на целиот свет победата во ослободителната борба, продолжуваат и сега, а народниот отпор против обидот за преврат од 15 јули го докажува тоа. 

Сите краеви на Турција се кренаа на отпор против искуството на надворешни и внатрешни сили за злоупотреба спрема нашата демократија, независност и легална влада. Дадовме 246 жртви, 2 194 луѓе беа повредени, но нивната крв беше пролеана во заштита на демократските вредности и достигнувања, ја имаме волјата и енергијата да ги постигнеме целите во програмата до 2023 година“, напиша претседателот Реџеп Ердоган во специјалната книга за посети во музејот на основачот на турската република. 

Во говорот пред учесниците во прославата лидерот на опозициската Републиканска народна партија / ЦХП / Кемал Киличдароглу повика за народни напори за воспоставување на вистинската демократија во земјата и вети дека ако за тоа се потребни жртви, тој прв би платил таква цена. 

Додека во официјалните прослави учествуваа само избраните политичари од власта и опозицијата, граѓаните на Анкара се спречени - сите патишта кои водат кон меморијалниот комплекс на Ататурк се блокирани од бариери, општински камиони од утрото ги блокирани улиците, забрането е движењето на автомобили. Во Твитер осамнаа и гневни пораки за блокадата поради која престолнината изгледа како во воено време.