Ивана Туфекџиќ од Студентски пленум, се обрати  вечерва пред Собранието.

Во говорот своите пораки ги упати кон оние кои што пијат кафе, не се замараат со политика, и бараат карти за еден правец надвор од земјава.

„Нели ви е доста? За сите жртви на режимот, за студентите кои што живеат во мизерни домови, родилките кои умираат и уапсените активисти? Мирни ли сте кога Иванов помилува криминалци, а во затвор се лежи за украдени ќебапи? Кога неправдата ќе затропа и на вашите врати кафето ќе ви биде горчливо. Овде на улица не се бориме за власт, се бориме за правда, за демократија, за уапсените, обесправените“ – изјави Туфекџиќ.

Таа повика што повеќе луѓе да им се придружат, и на криминалците да им порачаат дека им нема спас и ги чека затвор.