Центарот за слобода и дебата – Цивил, утре ќе стартува со нов проект ,,Моето гласачко право”, чија цел е да ја зајакне јавната свест и едукација кај граѓаните за изборните процеси и нивните гласачки права. Презентацијата и дебатата за проектот ќе се одржат утре во ГЕМ Клуб,  кај Стара Чаршија со почеток во 11 часот, а настанот е отворен за сите заинтересирани. Идејата е  да се зајакне едукацијата и мобилизацијата на граѓаните за изборните процеси, гласачките права и демократските стандарди, наспроти изборните нерегуларности. Во проектот ќе бидат вклучени разни активности низ цела земја, а и ќе се формираат работни групи за мониторинг на изборните процеси и состојбите на човековите права.