Амандманската расправа за буџетот во матичната собраниска комисија за финасирање и буџет и на законодавно правната комисија за малку ќе предизвикаше тепачка помеѓу пратенците од ВМРО ДПМНЕ и СДСМ.

Инцидентот настана откако пратениците од СДСМ побараа во исто време да не се одржува седницата на Комисијата за финансирање и буџет и седницата на Законодавно правната комисија.

Работата излезе од контрола откако претседателката на законодавно правната комисија и пратеник од ВМРО ДПМНЕ, Благородна Дулиќ, која претседава со Комисијата, не и дозволи на пратеничката Цветанка Иванова од СДСМ процедурално да реагира на водењето на седницата.

Пратениците од опозицијата застанаа пред претседателката Благородна Дулиќ и и го земаа микрофонот.

Претседателката на Комисијата, пратеничката од ВМРО-ДПМНЕ Благородна Дулиќ, за пратениците од опозицијата го крши деловникот, со цел на оваа собраниско тело да поминат отфрлените амандмани на опозицијата од Комисијата за финансирање и буџет.

Во Законодавно правната комисија присутни беа повеќе пратеници и од власта и од опозицијата, по што следуваа серија вербални препукувања, закани, меѓу Јани Макрадули и Илија Димовски, меѓу Драгиша Милетиќ и пратениците од власта.

Во овие моменти и на комисијата за финасирање и буџет во тек е вистинска караница помеѓу власта и опозицијата. На комисијата присутен е и министерот за финасии, Зоран Ставрески.