Грчкиот премиер Алексис Ципрас ќе го признае Косово.

Ова го објавуваат денес српски медиуми според кои, властите во Атина и лично Ципрас „биле подложени на суров притисок од страна на западните држави“.

„За да добијат финансирање и средства Големите сили го поставуваат како услов на грчката влада и на премиерот Алексис Ципрас признавањето на независноста на Косово“, стои во написите и прецизираат дека самиот Ципрас бил бесен на српскиот министер за надворешни работи и вицепремиер во кабинетот на Александар Вучиќ, Ивица Дачиќ.

Пред некое време Дачиќ го критикуваше однесувањето на грчкиот министер за надворешни работи. Ципрас „бил лут и на самиот Вучиќ, кој ја критикувал економската програма на грчката Влада“.

Потсетуваме дека Косово прогласи независност во февруари 2008 година. До денес над 100 земји, вклучително и Македонија ја признаа независноста на поранешната српска покраина.