Грција целосно го прифати учеството на ММФ во третиот пакет на помош иако претходно соопшти дека учеството на Фондот веќе не е неопходно, вели Јерун Дајселблум.

Грцкиот министер за финансии Еуклид Цакалотос ми потврди дека грчката влада се согласува на тоа ММФ да биде дел од овој процес, изјавил претседателот на еврогрупата и холандски министер за финансии Јерун Дајселблум.

Ципрас во декември изјави дека учеството на ММФ да учествува во спасувачкиот пакет, трет за Атина од 2010 година, не е неопходно и дека тој програм би можел да го спроведат само властите на земјите од еврозоната, пренесе Ројтерес.

ММФ, со седиште во Вашингтон, учествуваше заедно со ЕУ во два пакети помош за Грција, но од најновиот се воздржа, наведувајќи ги како причина недоволните реформски ветувања на грчката влада во декември како и одбивањето на Европа да го реструктуира грчкиот долг.