Просечната месечна потрошувачка на граѓаните на Србија е нешто помала од 52.000 динари, покажуваат најновите податоци на заводот за статистика. Повеќе од половина средства се трошат на стан и храна, најмалку се издвојува за образование. Експертите животот на граѓаните во Србија го проценуваат преку податоците за големината на станбениот простор во кој живеат луѓето, висината на расположливи средства и начионт на кој тие се трошат. Битен податок е и тоа како домаќинствата се снабдуваат со трајни добра. Фрижидер, автомобил... Најмалку пари сеуште се трошат на образование, култура и забава, исто колку и за телефон, интернет мобилен, кои не ги користат само 15 отсто од домаќинствата. Горан Николиќ, економист смета дека овие податоци покажуваат како Србија е релативно сиромашна европска земја во споредба со земјите од Западна Европа. - Ова во суштина зборува дека живееме многу скромно. Индикативно е тоа што во источниот и јужниот дел на Србија се живее уште по сиромашно, истакнува Николиќ. Според статистиката многу мал број луѓе во Србија во своите домови сеуште немаат телевизор и фрижидер. А скоро секоја втора куќа има кабловска телевизија. Кризата многумина ги присили да се откажат од своите автомобили. А во многу домови сеуште споро влегуваат одредени куњски апарати, односно машина за садови во Србија користат само 7,5%, додека микробранова печка имаат 15,6 отсто од домаќинствата. Во последните неколку години се подобрува состојбата околу користењето на клима уреди,односно 21,5 отсто од домаќинствата поседуваат клима уред. Пред седум години според податоците на заводот за статистика секоја четврта куќа во Србија имала компјутер, за исто време се зголемил и бројот на интернет приклучоци. Статистиката драстично се менувала и кај потребата од лаптоп.