Индексот на трошоците на живот во 2015 година бил различен по одделни групи на потрошувачка. Податоците на Државниот завод за статистика покажуваат во кои сектори индексот растел, а во кои се намалувал.

Порат на индексот е забележан во групите: алкохолни пијалаци, тутун за 5.4%, мебел, покуќнина и одржување на покуќнината за 2.0%, здравје за 1.5%, ресторани и хотели за 1.2%, домување, вода, електрика, гас и други горива за 1.1%, рекреација и култура за 0.8%, облека и обувки за 0.4%, храна и безалкохолни пијалаци и образование за 0.1%.

Исто така, во декември 2015 година, пораст на индексите на трошоците на животот е забележан и кај услугите за сместување за 15.3%, пакет-туристичките аранжмани за 6.9%, авионскиот превоз на патници за 6.0%, стоматолошките услуги за 0.9%, другите производи за одржување на станот, телефонските и факс апаратите и услугите за 0.6%, материјалите за одржување и поправки на станот и електричните апарати-мали за домаќинствата за 0.4%, обувките, цврстите горива за домаќинствата, услугите и средствата за лична хигиена за 0.3%, мебелот и информатичката опрема за 0.2%.

Намалување на индексите е забележано во транспортот за 9.0%,  комуникациите за 4.9%, индустриско-непрехранбени производи за 3.4% и услуги за 0.7%

Исто така, во декември 2015 година, намалување на индексот на трошоците на животот е забележано кај болничките услуги за 7.6%, течните горива за домаќинствата за 7.5%, лековите за 1.6%, течните горива и мазива за 0,7%, гасот за домаќинствата за 0.3%, електричните апарати-големи за домаќинствата и игрите, играчките и хоби за 0.2%.