Пожар избувна во одделението за КОВИД во болницата Хаџи Димитар во Сливен, при што загинаа три лица, објавија ТВ Нова и БТВ.

Мртвите се пациенти. Сигналот за пожар бил примен околу 2.40 часот вечерва. Испратени се две противпожарни екипи при што е констатирано дека одделот за КОВИД гори на целиот кат.

Пожарникарите пронашле двајца мажи кои починале на лице место, а третиот кој имал сериозни изгореници со возило на Брза помош бил пренесен во Пловдив. Малку подоцна човекот починал.

Загинатите се мажи на возраст од 66, 70 и 81 година.

Владимир Демирев од регионалната дирекција за противпожарна заштита случајот го коментираше како исклучително тежок и непријатен. 

Од неговите зборови стана јасно дека се работи за невнимание, најверојатно од страна на пациент. Во оваа фаза не е идентификуван проблем со системот за снабдување со кислород.