Три земјотреси ја стресоа Србија
Три потреси имало на територијата на Србија ноќеска и утрово.
Првите два земјотреси биле на подрачјето на Крушевац, а третиот е регистриран кај Баљевац на Ибар. Првиот земјотрес со јачина од 1,6 степени според Рихтеровата скала е регистриран во 2 часот и 22 минути на длабочина од шест километри, а само минута подоцна се случил уште еден со ист интензитет, на длабочина од девет километри, јавува Танјуг. Во 3 часот и 20 минути е регистриран трет земјотрес со јачина од 1,6 степени, а епицентарот бил кај Баљевац на Ибар.
Пред два дена земјотрес со јачина од 4,8 степени според Рихтеровата скала ја погоди Турција. На турско тло годинава имаше повеќе силни земјотреси.
Слично
Поврзани вести
