Како што дознава Курир.рс, во згрижувачко семејство се згрижени трите малолетни деца на Јасмина С.(44) од Лазаревац, која е осомничена дека го убила сопругот Синиша С.(42), а потоа десет дена го држела во станот во околината на Лазаревац.

Да потсетиме, Јасмина С. е осомничена дека го убила сопругот Синиша, па неговото тело десет дена го чувала во куќата. Јасмина во понеделникот се обидела да се самоубие со сечење на грлото, па се дознало дека со денови живеела со телото на сопругот, кое го полевала со омекнувач и разни хемикалии за домаќинството за да ја неутрализира смрдеата на гниењето на телото. За ситуацијата да биде уште полоша, во станот цело време со него живееле нејзините и децата на Синиша, на возраст од девет, осум и шест години.

Како што пишувавме претходно, таа ги излажала децата дека татко им е во болница и не им дозволувала да влезат во просторијата каде што е телото.

„Несреќните деца десет дена останаа во станот во кој брутално беше убиен нивниот татко, без воопшто да знаат какво злосторство направила нивната мајка. Кога му пресудила на Синиша, таа наводно им забранила на децата да одат во собата каде што го спакувала сопругот“, вели изворот на Курир.рс и додава:

„Кога нејзиниот син од првиот брак, кој е полнолетен, се распрашувал за Синиша, таа рекла дека е во болница поради висок притисок и дека неговиот телефон е кај неа и затоа не може да му се јави. Кога ја замолил да му го даде телефонскиот број на кој му се јавувала, таа вешто наводно избегнувала да одговори“.

Како што дознава Курир, за него се распрашал и братот на Синиша, но ниту тој не можел да дознае што се случува.

„Синиша утре ќе биде погребан во Лазаревац. Слушнавме дека Јасмина се опоравува, но не знаеме детали за нејзиното опоравување и точната повреда“, вели соговорникот.

Извор и фото: Курир.рс