Нивото на корупција во земјата во изминатите години е на највисоко ниво, а државата е претворена во огромна пералница за пари, велат од организацијата Транспарентност Македонија. Во нивниот двомесечен извештај за јули и август тие забележале бројни корупциски скандали поврзани со незаконско трошење на народните пари. Тие укажуваат и на нерационалното трошење на пари, особено потенцирајќи ја  изградбата на Панорамското тркало од 18 милиони евра. Владејачката партија ВМРО-ДПМНЕ извештајот го оцени како манипулација и велат дека тоа било само ,,нарачано плукање од опозицијата”.