Aмериканскиот претседател Доналд Трамп „ја подготвува сцената“ за средба со рускиот претседател Владимир Путин, најавувајќи „многу повеќе“ секундарни санкции против државите што купуваат руска нафта.

Одговарајќи на прашања од новинарите во Белата куќа, американскиот претседател рече дека секундарните тарифи против Индија се само почеток и дека светот ќе види „многу повеќе“ санкции против земјите што купуваат руска нафта.

Покрај тоа, Трамп призна дека САД ќе воведат дополнителни царини за Кина за нејзината трговија со Русија.

„Го направивме тоа со Индија, веројатно го правиме со неколку други земји, од кои една може да биде Кина“, вели американскиот претседател.

Трамп одби да зборува за времето на крајот на конфликтот во Украина – тој не сака да даде проценка, бидејќи е „веќе разочаран“.

Разговорите во Москва беа „многу продуктивни“, но нема некој голем пробив.

Украинскиот претседател Володимир Зеленски има три услови за преговори со рускиот колега Владимир Путин и американскиот Доналд Трамп. 

foto EPA/BONNIE CASH / POOL