Тимот на Стопанска банка составен од Милица Неделковска, Кристина Николовска, Владислав Мишев, Стефан Пеповски и Бранко Марсениќ е победник на  дводневниот натпревар најдобро креативно решение за бизнис студија на случај Македонија 2012, во организација на Бледската школа за менаџмент (IEDC) Alumni клубот од Македонија во конкуренција на 6 тима. Бизнис натпреварот студија на случај е натпревар организиран од страна на IEDC Alumni клубови, во 4 земји од регионот. Главната цел на оваа иницијатива е промовирање на бизнис образование и конкурентноста на компаниите, и е од најголема важност за секоја компанија која има аспирации да се остане на врвот на бизнисот и сака да ги стимулира и поттикне сопствените менаџери континуирано да се подобруваат, да се едуцираат и стекнат нови вештини и компетенции со цел да се развијат во бизнис лидери. Бизнис студија на случај е иновативен дводневен натпревар во кој шест члена создаваат функционални тимови кои доаѓаат од индивидуални компании и имаат можност да учат од и се натпреваруваат против други тимови од разллични компании. Целта на овие натправри е зајакнување тимскиот дух во самите компании, да се искористи нивната иновативноста и да им се помогне на поединците да изнајдат сопствени креативни решенија за предизвиците, наместо да им се каже што да прават. Натпреварот се состои од бизнис случај кој се анализра и потоа се прави презентација на предлог решение. Бизнис случајот е избран од страна на комисија која одлучува и за победник на натпреварот. Натпреварот за бизнис студија на случај секогаш се занимава со реални компании и со реални проблеми или предизвици. Тимовите имаат време од 24 часа да се подготват за нивната презентација и креативно решение за дадениот проблем пред комисија составна од професори. Исто така имаат шанса за пробна презентација и со повратни информации и совети од членовите на комисијата се дозволени уште неколку часа за финална презентација пред да се прогласи победникот. - “Нашиот тим беше балансирано организиран преку вклучување на различни профили на професионалци што ни овозможи полесно да се организираме и да го оствариме денешниот успех. Конкуренцијата беше дополнителен стимул да дадеме се од себе меѓутоа сметаме дека клуч на успехот беше тимскиот дух и фактот што не заборавивме да уживаме во овој несекојдневен предизвик. Среќни сме што постигнавме успех и што ќе ја претставуваме Македонија и Стопанска банка на регионалното натпреварување. Им благодариме на Бледската школа за менаџмент за одличната организација на натпреварот и корисните совети и препораки кои ни ги даваа за време на натпреварот “, вели Милица Неделковска член на тимот. Наградата за победничкиот тимови на поединечни земји е учество на тимот на еден од изборни МБА курсеви во IEDC-Блед школа за менаџмент. Тимот кој ќе победи на својата земја, добива право да се квалификуваа за Глобал Студија на случај за конкуренцијата.