Специјалното јавно обвинителство нема да се повлече  од  намерата да ги истражи сите  индиции  во кои постојат сомневања за сторени кривични дела  поврзани со предметите  кои  се под  нивна надлежност. Процесот  за минирање на работата на СЈО кој го започна претседателот Иванов со потпишувањето на одлуката за аболиција нема да влијае  демотивирачки за  тимот на Катица Јанев, велат за Фактор  извори од СЈО.  Од  Специјалното јавно обвинителство брифираат  дека  тие немаат намера да се занимаваат со политичко толкување на одлуката на шефот на државата.  Синхронизираниот  и координиран атак врз СЈО станува се’ по очигледен  особено  и по експресно закажаната седница на Уставниот суд  на која  се преиспитува уставноста на оваа инстиутуција. Станува ли  Македонија темпирана  бомба  која може да  експлодира   во секој момент ако во најскоро време претседателот Иванов не ја повлече (не)свесно донесената  одлука за помилување на 56 лица од кои  најголем дел се  функционери од актуелната владејачка партија . Универзитетскиот професор по уставно право Светомир Шкариќ за Фактор  посочи  дека од гледиште на важечките норми од Законот за помилување од 1993 година, отварање на постапката за аболиција е можна само по службена должност од страна на министерот за правда. Без содејство на министерот за правда, претседателот  Ѓорѓе Иванов не може да врши никаква аболиција  . „Според тоа,  македонскиот шеф на државата оваа аболиција ја прави надвор од законските норми . По носењето на една ваква одлука,  претседателот Ѓорѓе  Иванов Иванов заслужува  импичмент бидејќи со ставањето  потпис  тој го крши законот“   дециден е Шкариќ . Фактор телефонски контактираше  со  Иво Котевски, директорот на центарот за комуникации барајќи од  да ни даде одговор на прашањата :

1. Дали ВМРО ДПМНЕ ќе се потпише на иницијативата за отповикување на македонскиот претседател ?
2. Дали партијата ќе побара од Ѓорѓе Иванов да ја повлече одлуката за аболиција?

До овој момент не добивме  одговор на  поставените прашања  од владејачката партија . Универзитетскиот професор  Тања Каракамишева во интервју за Фактоор  оцени дека  претседателот Иванов поаѓајќи од својата уставна и политичка одговорност со  ставањето потпис  за аболиција  донел државничка одлука . „Оваа одлука не е вовед во уривање на правниот поредок во земјата. Напротив. Оваа одлука е одлична можност работите во уставно-правниот поредок на земјата да се вратат во нормална состојба“, оцени  Каракамишева која неодамна беше избрана за македонски претставник во Венецијанската комисија. Синоќешните потести  и револтот  кои  граѓаните  го изразија поради  одлуката  на Иванов да помилува политичари за кои постојат индции за сторени кривичлни дела ја демантира  професорката од Правниот факултет во нејзините проценки . Дипломатски извори во Скопје  се надеваат дека претседателот на Републиката во најскоро време ќе ја преиспита одлуката  и дека ќе го повлече решение за помилување. Во спротивно, напорите за нормализација на ситуацијата во  земјата ќе станат јалови,  а  иднината  на дражавата уште понеизвесна. Горазд Чомовски