Припадници на „Тигрите“ денеска возеа велосипеди од Куманово преку Скопје до тетовско, во чест на загинатите колеги лани во кумановското  Диво насеље.

Симболично тргнаа во 6 часот наутро, токму во времето кога лани почна пукањето и беше убиен еден од нивните колеги. Носеа маици со ликот на загинатите, отидоа на нивните гробови каде се поклонија и запалија свеќи.

Тие ја посетија и касарната Илинден каде се чуваат лични предмети и облека на загинатите херои.

Во инцидентот во Куманово загинаа осум полицајци, а  четириесеттина беа тешко повредени во судири со вооружена група од Косово. Целта на терористите им била да предизвикаат чувство на несигурност и страв меѓу граѓаните. Судскиот процес против групата се уште не е завршен.