Компаниите од Западна Европа кои произведуваат автомобили за широките маси ја имаат најниската продажбата последниве две децении. Компаниите остварија огромни загуби во своите земји , но сепак политичарите не даваат затворање на непрофитабилните бизниси . Тоа сепак ги охрабри компаниите , пишува The Economist . Тие бараат начини да произведуваат поевтини верзии и одат кон земјите од периферијата на Европа,  со цел да ги намалат трошоците . Изданието го дава како пример Fiat . Италијанскиот концерн изгуби 247 милиони евра во третиот квартал на годината , а 5 700 лица неочекувано беа принудени да се простат со своите работни места во Италија . Во Полска Fiat мораше да отпушти 1 450 вработени . За сметка на тоа сепак активностите на компанијата во Србија се прошируваат и само за една година земјата стана најголемиот извозник во регионот. Од март оваа година Fiat ангажираше уште 600 нови работници и сега обезбедува живот на над 3 800 луѓе во градот Крагуевац . Локалните обезбедувачи за фабриката најмија уште 1 200 лица . Fiat инвестира 1,2 милијарди евра во фабриката , во која се произведуваат семејните автомобили на компанијата 500L . Регионот настрада сериозно во 90-тите години поради распадот на Југославија и подоцнежната војна . Земјата сепак се потпираше на индустриското наследство на Zastava . Во 1989 година беа произведени 180 950 автомобили , а во 2004 година производството падна до 13 300 возила . Она што ја спаси Zastava oд заборав , беа нејзините врски со Fiat , кои датираат од 1954 година Во 2008 година средствата на Zastava беа стекнати од Fiat Automobili Srbija ( FAS ) , во која италијанската компанија има удел од 67% . Оттогаш стариот погон на Zastava беше целосно трансформиран . Главната причина Fiat да избере да произведува во Србија се ниските трошоци. Платите , кои Fiat ги плаќа таму , се помали од оние кои ги даваат во Италија , но и од цената на трудот во Полска . Во ноември минатата година протестите на незадоволните работници го принудија Fiat да ги зголеми платите за 13%. Српската влада подоцна се согласи да компензира кај Fiat ,па и исплати на компанијата по 10 илјади евра на секој работник , чија плата беше зголемена . Владата исто така вети дополнителни 3 илјади евра за секој купен автомобил, со цел моделот 500L да стане подостапен за корисниците на српскиот пазар. Франција и конкурентните увозници на автомобили изразија незадоволство и Европската комисија донесе одлука дека Србија , која е кандидат за членка на Европската унија , навистина ги прекршила правилата за обезбедување на државна помош . Субвенција за купување автомобили беше тргната, но помошта за работниците - не . Фабриката во Крагуевац може да произведе 200 илјади автомобили годишно. Крагуевац поседува добри транспортни врски и се наоѓа во близина на главните европски пазари на Fiat . Владата сака да промовира слични инвестиции , бидејќи поголемиот дел од забавениот економскиот раст на Србија од 2008 година се должи на фактот што не се создаваат нови работни места.