Реси Абдурамани денеска е избран за нов претседател на тетовскиот разгранок на ДУИ, освојувајќи 61 глас од вкупно 119 делегати. Меѓу тројцата кандидати за кои гласаа делегатите беше и актуелната градоначалничка на Тетово Теута Арифи. Абдурамани ја извршуваше функцијата секретар на тетовскиот разгранок на владејачката партија од албанскиот блок. Имено, гласањето се одвиваше тајно и јавно во присуство на сите делегати. Џемаили освои  37 гласа, а Теута Арифи освои 21 глас, додека еден глас беше неважечки. Абдурамани ги отфрли сите шпекулации дека  имало судир помеѓу таканаречените воено и интелектуално крило. (фото: утрински.мк)