Тетовчанец на возраст од 24 години заразен со маларија е хоспитализиран во карантинската соба на Инфективната клиника.

Се заразил во Мали каде што работел, соопштуваат од Институтот за јавно здравје.

Здравствената состојба на тетовчанецот му е подобрена со земање на неопходната терапија. Во епидемиолошката анкета тој навел дека воопшто не пиел антималарици пред да замине во странство.

За 5 месеци ова е петти  случај на заразен со маларија, болест која ја пренесуваат комарци. Еден од заболените почина.

Сите заболени се млади луѓе на возраст од 21 до 35 години.

И во претходните случаи се работеше за луѓе кои заболеле од маларија додека престојувале во странство.