Резултатите на компанијата во поглед на приходите се под очекувањата, но бројките за добивката се малку подобри од очекувањата.

Еве ги клучните бројки од извештајот:

Приходи во третиот квартал: 21,45 милијарди долари наспроти очекуваните 22,09 милијарди долари;

Во третиот квартал добивка од 1,05 милијарди долари, наспроти 1,01 милијарди долари колку што било очекувано. 

Акциите на производителот на автомобили паднаа за повеќе од 5 отсто по објавувањето.

Компанијата вели дека сè уште очекува просечна годишна стапка на раст од 50 проценти на испораките на возила оваа година. Производителот на автомобили, исто така, рече дека верува дека има доволно ликвидност за да продолжи да го гради својата визија.

Сепак, Tesla вели дека се соочува со проблеми од година во година поради зголемените трошоци за суровини и неефикасноста во нејзината Gigafactory во Берлин.

Зајакнувањето на доларот влијае и на продажбата на Tesla во странство, намалувајќи ја профитабилноста.

Пред извештајот за заработка, Tesla објави дека произвела 365.932 возила и испорача 343.830 во кварталот. Тоа е повеќе од 258.580 што ги произведе и 254.695 што ги испорача во вториот квартал, кога компанијата беше погодена од затворање поврзано со СОВИД во Кина. Во третиот квартал од 2021 година, компанијата произведе 237.823 возила и испорача 241.300.