Три лица загинаа минатата ноќ во две стравотни сообраќајни несреќи во струмичко. Во несреќите повредени се уште четири лица. Вчера вечер во Струмица, нешто пред полноќ животот го загубил 27 -годишен струмичанец, кој бил возач возилото марка „БМВ“. Во несреќата се повредени и двајца негови сопатници кога тој загубил контрола врз возилото, излетал од коловозот и удрил во сообраќаен знак. Од ударот возилото се превртело, при што струмичанецот загинал на лице место, а сопатниците итно се префрлени во болница. Во втора стравотна сообраќајна несреќа и загинаа две девојки, а тешко се повредени две момчиња на возраст од 25 до 31 година. Незгодата се случила во раните утрински часови, кога нивниот автомобил „опел вектра“ излетал од патот Струмица – Валандово. Според полицијата, околу 4.40 часот возачот П.К. (25) од Негорици изгубил контрола над автомобилот и паднал во провалија. На местото на несреката починале Нада М. (25) од Негорци и Магдалена П. (31) од Миравци.  Возачот и сопатникот Т.Д. (25) од Гевгелија се тешко повредени и пренесени во болница. Полицијата работи на утврдување на причините за несреќите.