Поголема група на демонстранти  се издвоија од  толпата и  ја каменуваа полицијата, бидејќи не дозволува пристап до седиштето на ВМРО-ДПМНЕ.

Ситуацијата е напната. Дел од граѓаните кои од Собранието се упатија кон седиштето на ВМРО-ДПМНЕ се обидуваат да ја смират групата. Кордон полицајци  со водени топови не дозволуваат демонстрантите да се доближат до седиштето на ВМРО-ДПМНЕ. Некои од демонстрантите кои на лицето носат маски се конфронтираат со полицајците и велат дека нема да молчат.

Протестот е уште помасовен од вчерашниот, а низ центарот на Скопје се забележува и поголемо присуство на безбедносните сили.

Во моментов полицијата ги брка демонстрантите кон Илинденска.