Техничкиот проблем кој цела недела доведе до пад на електронскиот систем за јавни набавки (ЕСЈН) е целосно надминат, гласи последната инфоирмација Бирото за јавни набавки.. 

Од таму очекуваат од утре системот да е целосно функционален, при што ќе можат да продолжат сите започнати постапки без ограничување и да се спроведуваат нови согласно законските одредби.

Веб-страната на Бирото за јавни набавки не беше во функција изминатата недела и беа блокирани сите јавни набавки. Се уште не може да се добие информација дали станува збор за хакерски напад и дали е загрозена базата на податоци за склучени договори на јавните институции. 

Ова е прв пат да има има ваков пад на системот за јавни набавки, а од Министерството за финансии немаше одговор кза можните последици од падот на системот за јавни набавки.

„Во моментот се работи на продолжување на роковите на сите тековни постапки, поради што е оневозможено најавување на ЕСЈН. Наредните денови очекуваме целосно нормализирање на сите функции на системот, за што дополнително ќе ве информираме“, велат од БЈН.