Преку социјалните мрежи косовскиот претседател ја повика српската заедно да остане смирена по денешната операција на полицијата во Северно Косово.

Тачи вели дека операцијата е за доброто на сите граѓани а на Фејсбук пишува дека институциите на редот и законот имаат потреба од доверба и максимална поддршка на целото општество во борбата против организираниот криминал, шверцот и корупцијата на целата територија на Република Косово.

Тој порача дека во втората деценија на постоењето на Косово како држава „нема да има место за организиран криминал“.

„Во втората деценија на Република Косово нема да има место за организиран криминал и тие кои се бават со незаконски активности ќе завршат зад решетки. Денешната операција на полицијата во северно Косово е за доброто на сите граѓани, независно од нивната припадност и ја повикувам српската заедница на север да остане смирена и да ја поддржи борбата против организираниот криминал. Јакнењето на редот и мирот е од животно значење за еднаквоста на сите граѓани и го забрзува нашето движење кон процесите на евроатлантските интеграции“, пишува Тачи.