Светскиот економски форум во Давос во вчерашниот објавен извештај ги повика светските влади како клучна цел да го стават зголемувањето на животниот стандард на граѓаните, а не како досега економскиот раст.

Во извештајот, објавен пред денешното официјално отворање на форумот, се оценува дека повеќето земји „пропуштаат важни шанси да го подобрат економскиот раст и истовремено да ја намалат нееднаквоста“, која е една од клучните теми на овогодишниот собир.

Форумот објави и дека насочувањето на вниманието на економскиот раст, што е случај во последните години, веќе не и служи на целта и предложил политиката да се пренасочи на „ефективни одговори на несигурноста и нееднаквоста кои го следат технолошкиот развој и глобализација“.

Основачот на елитниот политички и економски собир во Давос Клаус Шваб рекол дека 47-от Светски економски форум во тој швајцарски град се одржува во неверојатен историски момент кога трансформацијата ја погодува индустријата и општеството.

На Светскиот економски форум, кој официјално стартува денеска и трае до 20 јануари се очекува учество на 3 000 политички и економски светски лидери.

Швајцарското село Давос, каде се одржува форумот, во текот на целата година изгледа како и секое друго алпско скијачко село, но пред почетокот на собирот на политички и економски лидери се претвора во тврдина. Барикади, силни полициски сили и обезбедување, пунктови за проверка, ограничување на летовите на авиони, се само дел од мерките за безбедност.

Се проценува дека вкупната цена на обезбедување на Давос чини околу 9 милиони швајцарски франци.

Сепак, Македонија веќе 14-та година по ред нема свој претставник на овој скап собир. Србија јави дека нивниот премиер ќе биде дел од настанот.

А како изгледаат забавите и колку чинат прочитајте повеќе овде!