До пред еден месец, Дубаи беше избор број еден за богатите кои бараат нов дом. Денес, едeн европски град се стреми да го преземе тој примат.

Малку градови нудат можност за заработка на големи суми пари без данок и нивно трошење во безброј луксузни хотели, ресторани и продавници. Сепак, откако Обединетите Арапски Емирати беа нападнати од ирански ракети, репутацијата на Дубаи како рај за светската елита, која во голема мера беше изградена благодарение на влијателните лица од емигрантите, почна да слабее.

Супербогатите сега повторно гледаат кон Европа, а Милано, италијанскиот финансиски центар, се искачи на врвот на листата на најпосакувани дестинации, пишува Гардијан.

Луѓето што ги напуштаат ОАЕ лесно можат да си замислат дека живеат во Рим или Милано, големи меѓународни и урбани центри. 

Не е тешко да се разбере зошто Милано, кое веќе е дом на некои од најбогатите европски банкари, адвокати и инвеститори, стана толку привлечно. Според италијанскиот систем за фиксна даночна стапка, странските жители можат да платат 300.000 евра годишно за сите приходи од странство, што е занемарлива сума за најбогатите.

„Отсекогаш сме биле меѓународен град, но ова е промена“, вели Дилета Ѓорѓоло, директорка на канцеларијата на „Сотбис“ за станбени недвижности во италијанската економска и модна престолнина.

Конфликтите на Блискиот Исток веќе предизвикаа заминување на богати британски државјани, иако не сите од нив сакаат да се вратат дома. За многу Европејци, Италија е најпрактичниот избор. Новите италијански жители кои не плаќале даноци во земјата најмалку девет од последните десет години не мора да плаќаат данок на приход од странство, со годишна фиксна стапка од 300.000 евра. Приходите генерирани во Италија се оданочуваат според редовните правила, како и капиталните добивки од инвестиции во рок од пет години од влегувањето во системот, пренесува B92.

foto Wikipedia/Jiuguang Wang