Сурферот Горан Јабланов од Љубљана, кој се изгуби при невреме и се спаси по 26 часа поминати во море, раскажа како остана жив. 

Тој е професор по физичка култура и препливал скоро 40 километри. Исчезна во Хрватска, а излезе од морето во близина на Трст. Вели дека секакви мисли му поминувале низ главата. Повеќе пати мислел дека е готово и се простил од животот. Се борел со ветрови со брзина над 100 километри на час и бранови повисоки од три метри.

„Прво размислував како да ја решам ситуацијата. Прво шро ми падна на памет е дали е сега добар момент да ја оставам даската и да почнам да пливам”, изјави 47 годишниот Јабланов.

Потерата на хрватските спасувачи била прекината вечерта, а наредното попладне, во вторникот биле известени дека Јабланов излегол жив на плажа во близина на Трст.

Откако помина еден ден во болница, поради дехидрираност, тој од денеска е дома.

По него имаше потера со авиони и хеликоптери. 

Медиумите го нарекоа и супермен. 

Тој исчезна заедно со пријател од Хрватска, но тој брзо беше пронајден.