Судската адинистрација денеска ќе протестира пред Mинистерството за правда. Се очекува протестот да заврши пред Владата, а поддршка на судската администрација ќе  дадат и судските службеници. Претседателот на УПОЗ, Пеце Грујовски вели дека нема некои големи притисоци, но сепак има обиди со кои дел од администрацијата во институциите се спречува да им даде поддршка на денешниот протест. Претседателот на синдикалната организација пак во Скопскиот кривичен 1, Драган Јосевски се изјасни дека нема да излезат на протестот затоа што никој не ги консултирал нив. Штрајкот започна пред два дена, а  барањата се зголемување на плати, враќање на старото работно време од 7 .30 до 15.30 часот, повлекување на Законот за судска служба и административни службеници.