Судската администација во државата денеска го започна својот двочасовен штрајк.

Вака ќе биде секој ден сè до исполнување на нивното барање за покачување на платите за 35%.

Штрајкот го организира синдикатот на судските работници УПОЗ  и се случува во сите судови, освен во Скопска единица и во основните судови во Крушево, во Кочани и во Гевгелија.

Освен што протестираат на своите работните места, административците ќе протестираат по два часа пред судските згради и тоа од 10.30 до 12.30 часот.

За време на штрајкот единствено ќе се работи на судските предмети како што се притворските, оние кои се однесуваат на странски елемент и дека ќе се издаваат само документи за неосуденост.