Сите земјоделски стопанства кои се запишани во Единствениот регистар може да достават  барања за користење средства од Програмата за финансиска поддршка на руралниот развој за 2016 година.

Огласот е објавен и се однесува за  инвестиции во земјоделска опрема и механизација за житни и индустриски култури.

Барањата се поднесуваат по електронски пат откако ќе се региструрате на e-baranje.ipardpa.gov.mk.

Финансиите се исплаќаат по принцип на ко-финансирање на завршени и исплатени инвестиции од страна на корисникот во висина од 50 отсто од вредноста на одобрените прифатливи трошоци за инвестиции, доколку поинаку не е определено, додека ставката  на ко-финансирање се зголемува во случаите кога баратели се млади земјоделци и кога земјоделските стопанства се лоцирани во подрачја со ограничени можности и недостапни рурални заедници до висина од 75 проценти.